تريزيجيه يكشف لأول مرة عن معاملة فايلر السيئة.. وسر رفضه ارتداء رقم أبو تريكة ووصيته له

فجر محمود حسن تريزيجيه لاعب نادي أستون فيلا الإنجليزي الحالي والأهلي السابق، مفاجأة كبيرة بشأن رينيه فايلر المدير الفني السابق للقلعة الحمراء.

وقال تريزيجيه في حوار له عبر قناة الأهلي :فايلر كان مدرب أندرلخت البلجيكي في تاني موسم ليا وكانت معاملته معايا وحشة جدا وحصل صدام بيني وبينه وكان سبب في إني أمشي من النادي.

حلقة تريزيجيه في قناة الأهلي 

وتحدث تريزيجيه عن بداية فترة احترافة والصعوبات التي واجهها وقال: أول 3 سنين في الاحتراف كنت باخد راتب قليل جدا حوالي 100 ألف يورو في الموسم وأنا عندي مصاريف بيت وحياة وعيلة وعربية وأكل بس أنا صبرت لحد ما حققت حلمي.

وتحدث محمود تريزيجيه: لما الأهلي خد المركز الثالث في مونديال الأندية رحت التمرين تاني يوم في أستون فيلا بقول للعيبة أنا كنت بلعب في الأهلي اللي كسب تالت العالم.

وكشف لأول مرة عن رسالة محمد أبو تريكة له: بعد كأس العالم للأندية 2013 أبو تريكة قالي رقم 22 محدش ياخده غيرك بس أنا قولتله لأ أنا مقدرش عشان الناس هتفضل تقارني بيك وده رقم أسطورة وهيبقى صعب عليا.

واختتم: بعد النادي الأهلي مفيش كورة، اللي وصلت ليه لحد دلوقتي بسبب الأهلي