حارس الأهلي السابق: مصطفى شوبير اتغدر بيه.. وسواريش مناسب لأندية الوسط
طالب أحمد فوزي حارس مرمى الأهلي السابق برحيل ريكاردو سواريش المدير الفني للأهلي بعد التعادل مع الإسماعيلي سلبيا في الدوري الممتاز هذا الموسم.
قال أحمد فوزي في تصريحاته عبر برنامج الريمونتادا على قناة المحور: "الأهلي رمى الفوطة بدري والكلين شيت حاجة جميلة ولكن أنا مش مع المدرب اللي بيدور على التعادل بس".
أضاف: "أنا مش شايف ريكاردو سواريش مدير فني مناسب للأهلي، وأطالب برحيله، سواريش مناسب لأندية الوسط ومعاه الأهلي بقى رد فعل وعمر ما كان الأهلي رد فعل، واحنا في ماتش مصر المقاصة كسبنا بالعافية بضربات الجزاء والجونة اتعادلنا والمقاولين كل فرق الهبوط تعثرنا، مش النادي الأهلي اللي يتعادل مع فرق المؤخرة".
فوزي: شوبير جه من الدار للنار
وعن مصطفى شوبير: "مصطفى اتغدر بيه وأظهر تألقه رغم إنه جه من الدار للنار وفي ماتش كبير ضد الإسماعيلي، ومصطفى شوبير شال أكتر من 4 أهداف محققة، وتألق علي لطفي ومصطفى شوبير بيدي انطباع للأهلي إنه ميروحش يجيب حارس مرمى بـ30 أو 40 مليون".
إقرأ أيضا..
تعليق مثير من سواريش بعد تعادل الأهلي مع إيسترن كومباني
خاص| ضمن الصفقة التبادلية.. الأهلي يرفض بيع شوبير إلى بيراميدز
رامي ربيعة يغيب عن مواجهة الأهلي أمام الإسماعيلي
