زيزو يعتذر لجماهير الزمالك بعد الخروج من الكأس

تقدم أحمد سيد زيزو، لاعب وسط الزمالك، باعتذار إلى جمهور القلعة البيضاء، عقب خسارة الفريق أمام بيراميدز (4-3) بركلات الترجيح، وتوديع بطولة كأس مصر "2021-2022" من نصف النهائي.

وقال زيزو، عبر حسابه على "إنستجرام": "أولاً الحمد لله وقدر الله ما شاء فعل، زي ما بتبقى مبسوط بالدعم والحب والمساندة، لازم كمان تقبل الوجه الآخر السيئ".

وأضاف: "هذه ضريبة الحياة، والمسؤولية تقدر تخليك في يوم أحسن واحد في الدنيا، وتقدر تخلي الناس تنسى كل حاجة أنت ممكن تكون عملتها".

وزاد: "عشان كده واجب عليَّ في المواقف والظروف دي أن أعتذر، عمري ما عرفت أهرب، ولا أستخبى من أي حاجة، ولا عمري هعمل كده. تقبل أو ترفض دا من حقك، لكن كان واجب علي تقديم الاعتذار".

وأتم: "قادر أتحمل المسؤولية كاملة، لكن أطالب الجميع بدعم النادي واللاعبين، لأن في المواقف الصعبة تظهر فعلا معادن الرجال.. شكرًا"