العامري فاروق عن بيان هليوبوليس: كان ممكن أن تحدث كارثة بسبب قطع الكهرباء
رد العامري فاروق نائب رئيس النادي الأهلي، على ما حدث في صالة نادي هليوبوليس عقب انتهاء مباراة فريق اليد أمام نظيره نادي الزمالك، وقطع التيار الكهربائي أثناء تواجد الفريق داخل ارض الملعب للاحتفال بلقب الدوري.
وقال العامري فاروق خلال حديثه عبر إذاعة الشباب والرياضة: "ما حدث مش خطأ فني ولا حاجة مقصودة، إنما آسف في التعبير هو جهل في اللوائح والقواعد اللي المفروض منظمة للحدث ده، كان من الممكن أن تحدث كارثة، هناك ناس في الصالة غير مقبول تقطع تيار الكهرباء".
وأضاف: "هذا كلام مرفوض، وتصرف المفروض نادي هليوبوليس يحاسب المسئول اللي عمل كدة لأننا توجهنا له بطلب برفع سكينة الكهربا واحنا في الملعب علشان الناس تعرف تخرج من الصالة، واعتقد ان النائب عمر السنباطي رئيس نادي هليوبوليس قمة في الادب والاحترام وهيقف على الملف ده الناس استقبلتنا بشكل كويس لكن التصرف ده اعتقد لازم يحاسب عليه الشخص المسئول عنه لأنه كان ممكن يبقى في مشكلة".
وعن بيان هليوبوليس الذي أشار فيه إلى أنه تم قطع تيار الكهرباء بسبب اقتحام جمهور الأهلي لأرض الملعب، قال العامري فاروق: "كلام غير دقيق أول حاجة المباراة من غير جماهير اللي كانوا موجودين اعداد محدودوة في الكشوفات ودي مسئولية نادي هليوبوليس".
وأضاف: "مفيش حد من المدرجات نزل الملعب لكن المدير الإداري بتاع الفريق كان موجود فوق جه ينزل اعترضه واحد وخبطه خبطة كانت ممكن تقضي على روحه بجد مش هزار وانقذه دكتور الفريق".
