مرتضى منصور: شيكابالا يقود تمرد داخل الزمالك وحضوره زي عدمه
هاجم مرتضى منصور، رئيس نادي الزمالك المعزول، محمود عبدالرازق شيكابالا، قائد الفريق الأول لكرة القدم بنادي الزمالك، بسبب تحريضه للاعبين على عدم المشاركة في المران بسبب المستحقات
وقال مرتضى منصور:"اللي بيحب الزمالك، ميتمردش، ويلم اللعيبة الصبح ويقول مش هننزل التمرين، وأنا وقتها حذرت اللاعبين على الجروب إللي مش هيجي التمرين الساعة 4 النادي مش عاوزه".
وتابع رئيس الزمالك السابق:"الكابتن كبير وخليك في نظرنا كبير، طبعًا اللاعبين لهم مستحقات، ولكن سيف الجزيري وحمزة المثلوثي، اللي مش من ولاد الزمالك رفضوا تصرف شكيابالا".
وأكمل مرتضى:"أنت لاعب موهوب، متضيعش موهبتك بالكلام ده، ومتزعلش الناس منك بالكلام ده.. أنا 24 ساعة مش بنام وأنا بره النادي وسبت رئاسة النادي بسببك عشان ممدوح عباس صاحبك يفك الحجز عشان ندفع مستحقات اللعيبة وندفع غرامتك".
واختتم مرتضى منصور تصريحاته قائلا:" أنت مفروض كبير وشايفينك كبير وكابتن، أومال زيزو وفتوح والجزيري، يعملوا إيه، اللي هما فاكهة الفرقة".
إقرأ أيضا..
قد تستمر لعام آخر.. إعلامي يكشف مفاجأة جديدة في قضية غرامة كهربا
«الباب مفتوح».. ميدو يُفجر مفاجأة بشأن انتقال صلاح للدوري السعودي
خاص.. الخطيب يكلف خالد بيبو بإعداد لائحة صارمة للاعبي الأهلي
«هدفنا الالتزام بالمبادئ».. أول تعليق من بيبو بعد توليه منصب مدير الكرة في الأهلي
