ميدو: رئيس اتحاد الكرة كذاب.. ولو راجل يرد

شن أحمد حسام ميدو، المدير الفني الأسبق للفريق الأول لكرة القدم بنادي الزمالك، هجومًا كبيرًا على جمال علام، رئيس مجلس إدارة الاتحاد المصري لكرة القدم، بسبب تعيين علاء نبيل مديرًا فنيًا للجبلاية.

وكتب ميدو عبر صفحته على "تويتر":" رئيس اتحاد الكورة جمال علام راجل كذاب للاسف عيب ان حد في سنه يكون كذاب وجاهل بالقوانين..بيقول ان علاء نبيل معاه الشهادات اللازمة لشغل منصب المدير الفني لاتحاد الكورة".

وتابع:" لو راجل يطلع شهادات علاء نبيل.. الاتحاد الدولي مشترط ان المدير الفني لاي اتحاد يكون معاه شهادة البرو..لو رجاله انشروا الشهادة دي على الموقع الرسمي للاتحاد وانا هروح اتحاد الكورة أبوس دماغ علاء نبيل قدام الناس كلها..كفاية جهل بقى وكذب على الناس واعملوا مره واحده حاجه صح في حياتكم".

وحرص ميدو على توجيه رسالة لمرتضى منصور قائلا:" رسالتي للمستشار مرتضى منصور أرجوك لو بتحب الزمالك سيب النادي مستقر وبلاش قواضي ومحاكم كفاية اللي حصل للنادي واحنا كلنا لما صدقنا نتنفس..سيبونا نعيش مناخ صحي للمنافسة..الزمالكاوية تعبوا من الصراعات..كفاية ارجوك كفاية!!".

وأتم ميدو:" أحمد دياب من اكتر الناس اللي شغاله في منظومة الكورة بقلب…لعب دور كبير ان إعداد الجمهور يزيد ل ٢٠ الف وبقاله قترة بيحارب على الموضوع ده..مصر محتاجه ناس كتير زي دياب علشان نتطور".