مجدي عبدالغني يطالب بفتح تحقيق عاجل في الأهلي.. تعرف على السبب

طلب مجدي عبدالغني، لاعب الأهلي الأسبق، من إدارة القلعة الحمراء، برئاسة محمود الخطيب، بضرورة فتح تحقيق عاجل بسبب تسريب الأخبار الخاصة بالفريق الأول لكرة القدم، في الفترة الأخيرة، قبل الإعلان عنها بشكل رسمي.

وقال عبدالغني، في تصريحات تلفزيونية:" الأهلي بدأ يسرب أخباره زيه زي الأندية التانية اللي أخبارها على المشاع، أنا عمري ما شوفت كده في النادي الأهلي».وأضاف: «لما شوفت بيانات الأهلي الرسمية النهاردة صدمت، لأن هذا الأخبار تم تسريبها في الساعات الماضية، دي بداية مش جيدة ولا تبشر بالخير".

وتابع عضو مجلس إدارة اتحاد الكرة السابق:" لازم يحصل تحقيق في القصة دي، إزاي الأخبار دي اتسربت! مين الجاسوس اللي سربها".

واختتم مجدي عبدالغني تصريحاته قائلا:" هل تسريب القرارات من مجلس الإدارة؟، هل من الأعضاء اللي فوق السن ولا اللي تحت السن؟، هل من المدير التنفيذي اللي قاعد مع المجلس بيسمع القرارات؟، إحنا مش في اتحاد الكرة اللي كان الأعضاء بيفتحوا التليفونات للصحفيين".