• الرئيسية
• منوعات

عاد المستشار تركى آل الشيخ مالك نادي ألميريا، للحديث مجددا، عن محاولات البعض لزج إسمه في ملف رحيل رمضان صبحي عن النادي الأهلي.

وكان رمضان صبحي، اتخذ قرارا بالانتقال إلى بيراميدز ورفض الاستمرار داخل القلعة الحمراء.

وبعد ساعات من مداخلة الوزير السعودي، مع الإعلامي إبراهيم فايق، للرد على بعض الملفات، نشر رسالة جديدة عبر صفتحته على فيس بوك.

وقال آل الشيخ: حبايبي ... مساء الخير ... ل التوضيح لم اعرض حاجه ولا عاوز حاجه ... ومفيش حد تاخذو منه كلام عني الا تركي بنفسه ... الباقي بيتكلم بلساني لمصالحه ... وتعبت وانا بقول متصدقوش حد بيتكلم عني".

وأضاف: "مش حجري اسكت كل واحد ... اذا فيه ناس مبتفهمش دي مشكلتها مش مشكلتي ... انا كل الي عاوزه وبقوله ربنا يوفقكم ويوفقني في المستقبل في الي بيعمله في حياته".

وفي رسالة موجهة إلى مجلس إدارة الأهلي، وبعض الصفحات الرياضية على مواقع التواصل الاجتماعي علق: "اتهموني ب احمد فتحي وبعدها كبر الموضوع واتهموني ب فايلر وبعدها كبر الموضوع واتهموني ب رمضان ... ربنا يستر على الي جاي ... انا باقول الي جاي لانه واضح  ( احنا في حرب ضد تركي وتركي بيحاربنا وكل الشر تركي وكلة بسبب تركي ) ربنا يهدي الجميع وفعلا بتمنى يلتزمو بكلمتهم ان كل واحد يركز في نفسه ".

واختتم: " هوا انا طلعت اتكلم من دماغي ؟ منتو الي بتتهموني بحجات مليش فيها ... ولما بطلع ادافع يتقال عني بحك ! وعاوز ارجع ! ... معرفش انتو بتفسرو الامور ازاي ! عموماً اديني رديت وشلت الضغط عنكم وبقت المدافع كلها موجهه ليا ... اتبسطو".

يذكر أن الأهلي اتخذ قرارا  ايضا بانتهاء علاقته مع شريف إكرامي، بعد حديثه عن ملف رحيل رمضا صبحي، عبر صفحه على تويتر.

ووجه الأهلي الشكر للاعب على ما قدمه، واستقر على استكمال الموسم باللاعبين المستمرين بالنادي في الموسم المقبل، كنوعا من الاستقرار الفني، وسط رحيلمؤكد بنهاية الموسم لشريف إكرامي".