• الرئيسية
• إدارة الأهلى

وجه الإعلامى أحمد شوبير، نائب رئيس الاتحاد المصري لكرة القدم السابق، رسالة لمجلس إدارة النادي الأهلي برئاسة محمود الخطيب.

وطلب شوبير من مجلس الأهلي، ضرورة زيارة مؤمن زكريا في منزله لدعمه نفسيا.

وقال شوبير في تصريحات إذاعية:""سأكشف تفاصيل لأول مرة مش بحب أقولها ولكنى مضطر أتكلم، من فترة زرت مؤمن زكريا فى بيته ساكن فى شقة معقولة بمدينة نصر عنده ولد اسمه مالك وزوجة أصيلة ربنا يحفظها ليه ويحفظه ليها، وقتها مؤمن كانت حالته أفضل من دلوقتى يعنى الكلام كان كويس وكان بيمشى حتى كان فى كورة لابنه نطقها على خفيف ".

وأوضح حارس مرمي الأهلي السابق:"مؤمن فتحلى قلبه وقالى الحدوتة كلها، قالى أنا بعاتب على مسئولى الأهلى، قولتله أيه طلباتك قالى عايز عقدى بس عشان أحس إن مراتى وابنى فى أمان لو حصل حاجة، قولتله الأهلى مش هايسيبك التأخير من الوزارة فى الموافقة على صرف العقد، وفعلا كلمت مسئولى الأهلى قالولى إحنا فى انتظار رد الوزارة وهنصرف أكتر من العقد كمان. "

وأضاف أحمد شوبير:"مؤمن مش عايز حاجة إلا الدعم النفسى، عايز يحس أن الناس فاكراه وأن زمايله محدش منهم نسيه، انا عارف أن الخطيب مش بيتأخر فى المواقف دى، بس انا بقول للخطيب ولوزير الرياضة روحوا زورا مؤمن فى بيته، حسسوه أنه مهم وأنكوا جنبه فى الظروف الصعبة دى، النفسية أهم حاجة لمواجهة المرض".

وزاد حارس مرمي الأهلي السابق:"سيد عبد الحفيظ روح زور مؤمن فى البيت وخده فى إيدك يحضر التمرين ولو مكنش قادر خلى اللاعيبة كل أسبوع واحد يروحلوا البيت، لأن الولد متأثر أوى، أعضاء مجلس الاهلى ونجوم الاهلى لازم بينهم وبين بعض يجمعوا فلوس ويبعتوها لمؤمن، الطب بيتقدم فى العالم وبأمر الله يكون لمرضه علاج ويرجع أحسن من الأول".

وأكمل نائب رئيس اتحاد الكرة السابق "الأهلى لازم يبعت الفلوس لمؤمن فى 24 ساعة وينهى الاجراءات بعدها فى أسبوع مش مشكلة، حالة مؤمن المعنوية أهم ولازم يخرج وينزل مع صحابه وزمايله، هانى أبو ريدة أطلق مبادرة حلوة حتى لو متأخرة،

وأضاف أحمد شوبير:"قلبى موجوع عشان مؤمن زكريا هو أصغر من ولادى وعايز الناس كلها تدعمه، وبقول للصحفيين كملوا دعم بلاش يبقى أسبوع وننسى، أنا عضو فى جمعية اللاعبين القدامى والجمعية دى قائمة على تبرعات أهل الخير معندهاش أى ميزانية وبتعمل حاجات حلوة، فى المقابل جمعية اللاعبين المحترفين التى يترأسها لاعب دولى ليها ميزانية بالدولارات من الخارج متقبل أن تتوزع أموالها على الاندية ولكن لماذا لايتم النظر لحالة مؤمن زكريا ؟".

 

إقرأ أيضا..

شاهد.. رسالة جديدة من تركي آل الشيخ لمجلس الأهلي

صفقات الأهلي الجديدة.. 4 مرشحين لتدعيم الدفاع في الأهلي

الخطيب يقود ثورة إدارية في الأهلي و3 مرشحين لخلافة سيد عبدالحفيظ

أزمة بين لاعبي الأهلي في غرفة الملابس

مفاجأة.. مرتضي منصور يقدم شكوى لـ"فيفا" ضد لاعب الأهلي